影片
更多
2020-11-18
701 浏览
<<Thursday Couple 为食记👣😋>> 黎到星期四，同男朋友嚟到元朗YoHo食呢间出名嘅上海菜，都系果句！呢排对上海菜非常上瘾。黎到商场，跟住我哋都揾咗间野一阵，因为元朗唔系几熟路，之后见外面好似冇乜人以为唔使排队，点知原来都要等咗15分钟先入到去，但我真系好肚饿啦！好想食晒啲嘢🤤😋😋😋入面真系好多人，不过多数都系一家大细嚟食或者一大班人嚟食，可能咁样会食得多嘢啲啦！我同男朋友就两个人摆咗一张圆枱，叫咗一壶茶，拣咗赛螃蟹，柱侯萝卜炆猪肉，一个奶油津白，一个金牌小笼包同埋一个想试吓个生煎小笼包，最后仲加咗两碗白饭送饭。讲真两个人真系食唔晒，因为样样份量都唔细，但系𠮶阵太肚饿，所以叫咗好多。不过我哋都冇做大晒鬼，食唔晒有打包㗎！🤘🏻首先呢就嚟咗个金牌小笼包果然冇令我哋失望，𠮶皮真系好薄，啲汤装满成半个小笼包，一咬开啲皮跟住走啲汤就已经爆出黎啦！🤤男朋友直情咇左啲汤汁出枱面，果下我都O咗嘴🤣🤣🤣证明真系爆汁，而佢嘅调味，我就觉得偏向咸啲少少，但整体觉得真系几好食嘅⭐️而个生煎小笼包就用铁板上嘅，上到枱面仲有渣渣声，闻到好香嘅味，不过呢就比起金牌小笼包
黎到星期四，同男朋友嚟到元朗YoHo食呢间出名嘅上海菜，都系果句！呢排对上海菜非常上瘾。
黎到商场，跟住我哋都揾咗间野一阵，因为元朗唔系几熟路，之后见外面好似冇乜人以为唔使排队，点知原来都要等咗15分钟先入到去，但我真系好肚饿啦！好想食晒啲嘢🤤😋😋😋
入面真系好多人，不过多数都系一家大细嚟食或者一大班人嚟食，可能咁样会食得多嘢啲啦！
我同男朋友就两个人摆咗一张圆枱，叫咗一壶茶，拣咗赛螃蟹，柱侯萝卜炆猪肉，一个奶油津白，一个金牌小笼包同埋一个想试吓个生煎小笼包，最后仲加咗两碗白饭送饭。讲真两个人真系食唔晒，因为样样份量都唔细，但系𠮶阵太肚饿，所以叫咗好多。不过我哋都冇做大晒鬼，食唔晒有打包㗎！🤘🏻
首先呢就嚟咗个金牌小笼包果然冇令我哋失望，𠮶皮真系好薄，啲汤装满成半个小笼包，一咬开啲皮跟住走啲汤就已经爆出黎啦！🤤男朋友直情咇左啲汤汁出枱面，果下我都O咗嘴🤣🤣🤣证明真系爆汁，而佢嘅调味，我就觉得偏向咸啲少少，但整体觉得真系几好食嘅⭐️
而个生煎小笼包就用铁板上嘅，上到枱面仲有渣渣声，闻到好香嘅味，不过呢就比起金牌小笼包嘅皮就厚啲喇，如果真系钟意食小笼包嘅话，我建议大家都系叫返金牌小笼包会比较好，生煎嘅试一次就OK，唔系话好特别！
之后你嘅奶油津白同埋赛螃蟹都好好味！依两个呢都系白雪雪系我最钟意嘅颜色！🤍🤍奶油津白呢做到好幼滑，而且每条津白都好甜，好好味。赛螃蟹嘅味道都睇落去好似好清淡，但系其实好浓味，用料好丰富，佢加咗瑶柱同埋啲蟹肉，唔会有腥味但系就增加左一份鲜味，用嚟捞白饭真系一流！
跟住其实我哋都差唔多饱，但系个柱候萝卜炆猪肉仲未嚟，我哋就把心一横，埋单，谂住唔要，但佢就话落咗单系真系要等30分钟，所以我哋最后都系要咗，跟住佢哋就拎住一个火兴住嘅煲出嚟，都几靓㗎，同埋啲萝卜晶莹剔透，加埋啲猪肉都好似好入味。我同男朋友就话咁不如试吓先啦，如果真系食唔晒就打包走。虽然好饱，但一食落去嘅时候觉得个调味真系好好，有啲甜，又有柱候嘅香味，而且感觉炆左好耐，加上佢用左火保持住佢嘅温度，热辣辣食，好正！猪肉亦都唔会干柴，但系我哋真系食唔落啦。最后就打包比男朋友做听日嘅午餐！
如果呢个萝卜唔系迟咗嚟我谂我哋应该会清晒，因为捞饭真系几正！
而且男朋友话，第二日个萝卜同埋猪肉更加入味，仲好食左。所以我谂嗌外卖，然后第二日食都应该好好味🤣🤣🤪
张贴