影片
更多
2019-07-16
2613 浏览
我无谂过去海洋公园都有好野食，我依旧停留喺一百蚊一碗叉烧饭度。本来无乜期望，结果食物质素系好惊喜！叫咗个二人餐，因为我地系包场，所以仲有个8折，折左少每人都系$300，喺海洋公园呢个质素，算好抵。二人餐有椰子鸡汤，带子沙律，烧龙虾，菠萝炒饭，串烧拼盘同甜品拼盘。菠萝炒饭，二个人份量刚好嘅，除咗菠萝之外，仲有啲海鲜带子同虾，腰果同类似腊肠肉。炒得干身，啲饭亦粒粒黄色，几好食。大大只烧龙虾，以呢个价钱黎讲真系好抵食，每人一只㖞！不过系烧得㶶咗啲。好彩嘅系无影响啲肉味，仲有大大旧膏。带子沙律系整粒带子，连同一啲柚子，酸酸地嘅柚子好开胃！椰子鸡汤，呢个劲推荐！好香椰子奶味，入面仲有啲鸡肉同草菇。鸡肉好滑，配合埋个汤底，少少甜。串烧就有猪牛鸡各两串，沙爹似系自己调味。串烧样样都好食唔勃。我最钟意系鸡肉串。最后系甜品拼盘，我重点想讲中间嘅脆皮芒果糯米饭。本来嘅芒果糯米饭都好香好食。但食得多都会腻呀，反而啲脆皮能平衡口感，我地每人食左半个都唔滞。其实呢度食物质素系唔错架。可惜系服务上有少少问题。首先系门口等位，我地𠮶晚都夜了，其实得番我地同另一组嘅二人枱，然后有两张四人枱吉出。但带位𠮶个完全唔识变通
叫咗个二人餐，因为我地系包场，所以仲有个8折，折左少每人都系$300，喺海洋公园呢个质素，算好抵。
二人餐有椰子鸡汤，带子沙律，烧龙虾，菠萝炒饭，串烧拼盘同甜品拼盘。
菠萝炒饭，二个人份量刚好嘅，除咗菠萝之外，仲有啲海鲜带子同虾，腰果同类似腊肠肉。炒得干身，啲饭亦粒粒黄色，几好食。
大大只烧龙虾，以呢个价钱黎讲真系好抵食，每人一只㖞！不过系烧得㶶咗啲。好彩嘅系无影响啲肉味，仲有大大旧膏。
带子沙律系整粒带子，连同一啲柚子，酸酸地嘅柚子好开胃！
椰子鸡汤，呢个劲推荐！好香椰子奶味，入面仲有啲鸡肉同草菇。鸡肉好滑，配合埋个汤底，少少甜。
串烧就有猪牛鸡各两串，沙爹似系自己调味。串烧样样都好食唔勃。我最钟意系鸡肉串。
最后系甜品拼盘，我重点想讲中间嘅脆皮芒果糯米饭。本来嘅芒果糯米饭都好香好食。但食得多都会腻呀，反而啲脆皮能平衡口感，我地每人食左半个都唔滞。
其实呢度食物质素系唔错架。可惜系服务上有少少问题。首先系门口等位，我地𠮶晚都夜了，其实得番我地同另一组嘅二人枱，然后有两张四人枱吉出。但带位𠮶个完全唔识变通，要㩒哂啲大枱同中枱飞，逐个逐个禁，每个number 又电脑系统咁嗌两次，禁左成二十几个number 先到我地。我同另外两人反白眼到头顶。另外就系上菜次序。唔好以为我上面乱晒咁写，而呢个系佢上菜次序。希望佢地可以注意埋呢啲细微位。
张贴
