小點角落

营业中

休息中

这间店由试业初期已经光顾，食物款式新颖，主食甜品味道也很好，所以都去过三次。事隔几个月，今日有时间于是去重舍美味，点知系大失望!叫咗个小食拼盘，炸脾薯条，双色鸡蛋仔。小食拼盘之前系好好食，现在转了食物配搭大为失色。之前咖喱汁大鱼蛋，个汁好食到用点其他食物食。现在系沙嗲汁小鱼蛋，汁唔好食，鱼蛋又有怪味。之前虾头油烧卖，现在沙嗲汁烧卖，质感系「梅」嘅。煎酿三宝配腐乳好特别好港式，超好食，现在配芝士酱好奇怪，唔点酱就咁食仲好。肠粉，碗仔翅保持水准。口水鸡就太辣了。三文鱼甜筒，不如之前的炸虾甜筒。最令人失望系炸鸡脾薯条！之前系我未食过咁好味的炸脾，脆卜卜又入味。今日我怀疑系唔系用鸡胸肉砌成的鸡脾形状！「鞋」到硬！又冇味，得块皮有味。简单来说未食过咁难食嘅炸脾！薯条不过不失啦。双色鸡蛋仔味道可以，但如果想食脆口感就一定唔系，又未到毛巾质感，食完「鸡胸扮鸡脾」后，什么都好食。服务一如以往地好，净系成日急住执嘢，我碗翅未食完，收乜嘢啊。大致上满意服务。不过去食嘢都系为咗味道，经过今次应该以后不会再去啦。