羅麥記 (荃新天地) (已結業)

放工后同家人于荃湾会合到荃新天地，顺便于商场内食埋晚饭。家人想食罗麦记，因过往于屯门都有帮衬过，都有啲怀念罗麦记的食品，就决定坐低。叫咗个砖头焗猪扒饭，猪扒的份量较以前少，而家加埋得番一块左右。另外汁亦唔够，食到面包中间开始好干，比以前差咗。罗麦汁炒牛河，本身算炒得唔错，不过发现有好多细细粒的黑点，相信系厨房并无洗过只镬，就即刻再用来炒嘢的结果，呢个绝对唔合格。鸡翼炸得外脆，不过鸡肉淡而无味。蚝油菜心，正常的品质。冻奶茶无茶味，唔合格。晚市都好静，得几枱客，除咗商场客流影响外，都要检讨食品的品质。