阿木台灣麵 (豉油街)

营业中

休息中

红烧牛肉牛筋面（$79）汤底好清，味浓带微酸。牛𦟌好腍兼入味，牛筋同样软腍。面条正常唔糊口。炸排骨便当（$65）需时十数分钟。炸粉脆，腌味够，猪扒够软身唔嚡。唯一可惜系炸粉痴唔实块猪扒，一夹就甩头甩髻。肉燥味浓唔肥腻，捞饭一流。惠顾面类或饭类，可半价享用饮品。珍珠奶茶（+$15）、黑糖珍珠鲜奶（+$17），两杯都正常发挥。枱面有一罂自家制麻辣酱，个人觉得好掂，啱哂我口味。麻味多于辣味，配面、点猪扒、甚至加落肉燥捞饭都好好味。PS：冷气唔系好够，人多就更热，尤其食汤面，食到流哂汗。