留白居酒屋 (已結業)

朋友约咗我喺屯门呢间居酒屋度食吓嘢倾吓计，我哋坐咗喺舖头外面嘅吧枱位置😊叫咗少少串烧，少少小食同埋一款主食❤️‍🔥串烧真系烧得好香口，旁边会洒满七味粉俾你做调味，但系其实每一串串烧嘅味道好好，都已经唔需要再调味🙈烧鲍鱼都可以做到鲍鱼肉唔会太咬唔开👍🏻因为其实烧鲍鱼系好难做，好多舖头都会做到好干身又或者咬唔开，但佢哋唔会，食得出系好用心去烧蒜香烧茄子非常之多蒜头，钟意食蒜嘅朋友真系值得一叫，好香蒜味之余，亦都渗晒落个茄子肉度，每一条茄子肉入口都好够味炸鸡件，呢个真系值得推介，每一旧炸鸡大大嚿之余，入口仲热辣辣，真系做到外脆内软又Juice嘅口感，连我朋友本身麻麻哋炸鸡呢类型嘅食物都食咗好几旧，赞不绝口😋😋海鲜炒饭，呢个又系值得推介，因为佢能够做到饭粒分明，真系做咗唔少功夫，吵得干身之余入口又香，每一啖都食得出海鲜嘅味道，呢个海鲜炒饭真系唔差，一定要叫另外叫咗一杯柚子梳打同一杯玫瑰红茶，两杯入口都唔会太甜，亦都好清新，好啱一路食串烧一路饮