COBALT

营业中

休息中

咁啱今日男朋友揸开车，途经大角咀见有啲肚饿就揾间落脚tea 一tea，仲要可以顺便方便泊车。突然间发现呢间好吸睛嘅西餐cafe，餐厅外观装修都已深蓝色，好有格调。入面座位唔算太多有几张枱，属于小店个类。要咗个XO酱蟹肉扁意粉，呢个好有惊喜，fusion 得泥味道唔错，原来XO酱同炒意粉Crossover 10分惹味，有少少辣辣地好过瘾。我哋再要咗海胆忌廉汁意大利饭，本身海胆嘅Creamy再加上忌廉嘅Creamy混合一齐，口味同感觉都非常夹，冇违和感，再配埋意大利饭，软硬适中，粒粒分明，非常好食，又可以食到海胆嘅海水鲜味。小息我哋要咗一个炸番薯条另一款系炸牛油果条，配埋个忌廉芝士酱一流！嗌多咗个甜品share食，好少餐厅会有AppleCrumble 好惊讶呢间竟然！AppleCrumble 新鲜焗起，制作需时，但胜在热辣辣，外脆内软，每啖都有苹果嘅清香，再配埋开心果雪糕简直一流享受！有整体餐厅食物质素超级高质，下次要试吓佢嘅lunch set价钱更加抵食。