影片
更多
2023-07-16
64 浏览
<麻吉灶咖> 📍尖沙咀🔸又一人条台湾餐厅登陆K11 Artmall▪️质素正路，冇乜特别可以唔使返兜👁️🗨️见到K11 Basement 排晒长龙，好奇心驱使下就试一试呢间人气台式餐厅。首先要一赞嘅系餐厅侍应服务态度十分之优良！！！超级亲切又帮手！餐厅环境十分之好坐，系吹水打卡嘅好地方。😎👍🏼 👍🏼👍🏼食物质素就正正路路，无乜优胜之处 （诚实豆沙包），坦白讲唔值得排咁耐队。👁️🗨️鳗鱼芝士蛋饼($98) — 纵观嚟讲呢个最好食 😋 蛋饼里面有肉松同埋生菜馅，上面铺鳗鱼，面头有mayonnaise做调味。不过鳗鱼真系薄身咗少少 🤏🏼特制卤肉酸菜刈包 ($46) — 好味！卤肉偏细旧，同埋唔太肥嘅。酸菜好惹味 😋 餐厅仲帮我哋系厨房一开二。整体嚟讲味道唔错，可以一战。麻吉盐酥鸡($78) — 正常发挥 😊 好食嘅！冇后悔叫咗呢个Item。（老老实实，台湾餐厅如果连盐酥鸡都做得唔好食嘅话，可以收档。）麻吉红烧牛肉面($92) — 面嘅质地似系759刀削面，质地唔挂汤 🙃 牛肉薄切切得𠮶四块，收$92。份量嚟讲女仔都够食，男士就未必。蚵仔煎配海山酱 ($78) — 我明白台湾蚵仔煎系
🔸又一人条台湾餐厅登陆K11 Artmall
▪️质素正路，冇乜特别可以唔使返兜👁️🗨️
见到K11 Basement 排晒长龙，好奇心驱使下就试一试呢间人气台式餐厅。首先要一赞嘅系餐厅侍应服务态度十分之优良！！！超级亲切又帮手！餐厅环境十分之好坐，系吹水打卡嘅好地方。😎👍🏼 👍🏼👍🏼
食物质素就正正路路，无乜优胜之处 （诚实豆沙包），坦白讲唔值得排咁耐队。👁️🗨️
鳗鱼芝士蛋饼($98) — 纵观嚟讲呢个最好食 😋 蛋饼里面有肉松同埋生菜馅，上面铺鳗鱼，面头有mayonnaise做调味。不过鳗鱼真系薄身咗少少 🤏🏼
特制卤肉酸菜刈包 ($46) — 好味！卤肉偏细旧，同埋唔太肥嘅。酸菜好惹味 😋 餐厅仲帮我哋系厨房一开二。整体嚟讲味道唔错，可以一战。
麻吉盐酥鸡($78) — 正常发挥 😊 好食嘅！冇后悔叫咗呢个Item。（老老实实，台湾餐厅如果连盐酥鸡都做得唔好食嘅话，可以收档。）
麻吉红烧牛肉面($92) — 面嘅质地似系759刀削面，质地唔挂汤 🙃 牛肉薄切切得𠮶四块，收$92。份量嚟讲女仔都够食，男士就未必。
蚵仔煎配海山酱 ($78) — 我明白台湾蚵仔煎系用薯粉去做个茨再炸，同广东菜好唔同。但系冇expect过得果5粒蚝仔（强调系蚝「仔」）🙃 食落完全冇蚝味，成个口都系薯粉茨，唔知食紧乜。（后悔之选）
黄金茄子($62)— 完全冇expect过黄金茄子可以咁难食 😞 咸蛋调味系唔错嘅，但劲厚嘅薯粉浆，要Lur返啲薯粉浆出黎，失望。
纵观所有嘅肉类都系好薄同埋好少，其实做餐厅咁怕蚀钱，不如唔好做。不过价钱其实又唔系好贵，所以又嬲唔落 🤣🤣🤣 四条友，每人都系大概$1XX。尖沙咀位置方便，坐得舒服，都过得去嘅，不过未必会翻兜。
P.s. 差啲漏左讲，杯草莓沙冰好好饮 😋🍓🍓🍓
草莓沙冰
0 浏览
0 赞好
0 留言
张贴
