廿七窩 (已結業)

上星期与成班朋友行完山，有团友在大角咀住并称附近开咗间新火锅店不如去试吓，于是齐哇哇大概六点去到铺头，可能时间尚早只有一两枱客，侍应好亲切行出嚟问我地几多人并立即安排我哋入坐。我哋分开四人一枱，我哋先点一个麻辣鸡煲，由厨师亲自攞出嚟，本人好少食辣野，但个鸡煲唔系太辣一般人可以接受，辣度啱啱好鸡肉好肥美好入味，食晒啲鸡后侍应帮我地加入汤水就变成麻辣汤底。我地食材点咗招牌肥牛，生虾，桶蚝，脆肉鲩⋯⋯，太多不能尽录。所有食物好新鲜，肥牛厚度啱啱好，唔太厚亦唔太簿，生虾成个手掌咁大，桶蚝洗得好干浄完全无沙，蔬菜亦好新鲜。最后我哋食到大概十点埋单每人都系三百几蚊，完全超值，呢间相信系我近年嚟食过嘅最好一间火锅店，如果五粒星评分我会比满分。下次我一定再帮衬！