道頓堀御好燒專門店 (希慎廣場) (已結業)

用餐过程非常不愉快叫左个二人set 包前菜，广岛烧，御好烧，一份烤肉，一份海鲜，甜品同饮品。落单后，前菜未到就黎左碟肉，每份上菜时间相隔大概10-15分钟，食完一份，等到铁板上面啲油都干晒，仲未有人传菜。我哋同隔离枱示意左店员不止3次，要帮手跟进下，结果都系等好耐先有，上菜无乜礼貌，一句唔好意思都无。最后，食左2个钟，等既时间仲耐过食野，甜品未上就埋单走人。成个过程，店员一路行行企企，系度倾计，其实当时净系得几台客，唔清楚系咪咁忙，所以要等半个钟先上到另一碟，呢间员工既态度令我觉得好失望。之前去过旺角分店，无呢个情况发生，员工态度好好，有讲解到点样烧先会好食，仲会帮手烧。唔建议大家去铜锣湾呢间，贴钱买难受，食到一肚气，唔明白点解仲需要收服务费，根本无服务。