龍泉冰廳

营业中

休息中

铜锣湾做完嘢，唔煮饭谂住买外卖。阿爸话要干炒牛河，阿妈要食葱油鸡，而我却想食包。好在有龙泉冰室一站式齐晒，就算想食埋铁板牛扒、云南米线、冬阴功汤河都仲得。于是我叫咗3个餐，送三杯热饮，加碟油菜，埋单都系二百零五元，满足所有人的需要。叉烧炒蛋菠萝包下午茶餐（$40），叉烧厚切大大粒，炒蛋嫩滑有汁，菠萝包松软，全部加埋无得弹。招牌瑞士汁干炒牛河餐（$60），回家打开见到好大盒，盒底无油，赞。河粉炒得上色均匀，牛肉薄片腍滑又唔肥，味道也很好。洋葱芽菜可以再多些。招牌葱油鸡餐（$80），打开外卖盒，见到鸡上面满满的葱油就好兴奋，真正是白饭杀手。鸡不算肥大，也不算好滑，但就皮爽肉厚有鸡味，配埋葱油，真是浓郁飘香。这个餐还送老火例汤呢。