影片
更多
2016-04-03
596 浏览
其实今日本身系想去食放题既，但系朋友又话唔系太肚饿食放题好唔抵，所以就改左黎呢到啦。位于佐敦既「七福神和食亭」，地铁站A出口行去都只系要3-4分钟，好方便！餐厅位于2楼，系地下入口既位置有个职员会帮你安排入座。是日星期六，晚上6点几黎到都唔系挣返好多位，下次都系订位好D。食物选择都好多，落order既方式同放题有点儿相似，不过呢到系自己写个食物number要几多份咁。和风珍味拼盘: 自己一向都好喜欢食日式前菜，所以黎到都点左呢个和风珍味拼盘食下。当中包括芝麻八爪鱼, 中华沙律同螺肉，份量也几多，全部既味道都适中， 螺肉就辣辣地，中华沙律食落都好爽，非常开胃。士多啤梨烟三文鱼果醋沙律:沙律上到台时我地既反应就系，「哇，份量真系好多」，如果一个人食既话只系食呢个就唔洗食其他野架啦。新鲜既烟三文鱼配上什锦沙律菜同士多啤梨片感觉好清新，加埋柚子味既果醋同埋微量既沙律酱食落微酸带甜，口感清新，真系好开胃，加上士多啤梨同果醋混起后带微酸，一路食肉一路食呢个沙律真系可以消滞。8品刺身盛盒: 8品刺身盛盒有三文鱼，油甘鱼，吞拿鱼，八爪鱼，北寄贝，带子，海胆半板，甘虾各3只，叫呢个刺身盛盒一次过可以食到
位于佐敦既「七福神和食亭」，地铁站A出口行去都只系要3-4分钟，好方便！餐厅位于2楼，系地下入口既位置有个职员会帮你安排入座。是日星期六，晚上6点几黎到都唔系挣返好多位，下次都系订位好D。
食物选择都好多，落order既方式同放题有点儿相似，不过呢到系自己写个食物number要几多份咁。
和风珍味拼盘: 自己一向都好喜欢食日式前菜，所以黎到都点左呢个和风珍味拼盘食下。当中包括芝麻八爪鱼, 中华沙律同螺肉，份量也几多，全部既味道都适中， 螺肉就辣辣地，中华沙律食落都好爽，非常开胃。
士多啤梨烟三文鱼果醋沙律:沙律上到台时我地既反应就系，「哇，份量真系好多」，如果一个人食既话只系食呢个就唔洗食其他野架啦。新鲜既烟三文鱼配上什锦沙律菜同士多啤梨片感觉好清新，加埋柚子味既果醋同埋微量既沙律酱食落微酸带甜，口感清新，真系好开胃，加上士多啤梨同果醋混起后带微酸，一路食肉一路食呢个沙律真系可以消滞。
8品刺身盛盒: 8品刺身盛盒有三文鱼，油甘鱼，吞拿鱼，八爪鱼，北寄贝，带子，海胆半板，甘虾各3只，叫呢个刺身盛盒一次过可以食到唔同既刺食，又唔洗谂食边款好
刺食食落都算新鲜，卖相唔错，颜色鲜艳，味道鲜甜，最钟意既都系鲜甜既三文鱼刺身同带子。三文鱼切得好厚，带子亦都好滑嫩，刺身附有饭同紫菜，俾你用黎包海胆，个人觉得咁食比净食海胆更加好味。
炭火烧泡菜鸡翼:去左骨既鸡翼胀卜卜，里面仲塞满泡菜。鸡翼煎得香口，外层香脆香口，内里嫩香多汁，味道一D都唔辣。
日式煎饺子: 饺子味道普通，唔系太特别，个皮唔算太厚，不过如果可以再整返薄少少就更加好啦。
串烧5品盛盒:串烧5品盛盒有鸡翼， 冬菇，京葱鸡肉，小青椒同埋猪颈肉，整体味道偏咸。鸡翼方面烧得刚刚好，猪颈肉同京葱鸡肉咬落都几多汁，冬菇唔会烧得太干，有水准。
大虾什锦天妇罗: 大虾什锦天妇罗有6件，有虾，矮瓜，南瓜，蕃薯同青椒，不过炸粉唔会太厚，炸得香脆而唔油腻，卖相呈金黄色，非常吸引。
埋单每人$303，价钱只系贵一般放题少少，但系食物质素就比放题高好多，真系一个有别于放题既另类选择。
张贴
