影片
更多
2012-08-19
29 浏览
铜锣湾开左新商场之后真系比人山人海更人山人海! 揾食艰难系在所难免。不过系金牌小龙等位就真系一肚气。我明白佢可以打电话订位，walk-in客人就当然要等耐少少。但系我3个人齐晒等位等足45分钟,期间有起码5张「2人枱」,2张「多人枱」(5人以上)入座。无错,二人枱系唔够坐,不过佢系2个人入座坐4人枱; 5位又系入去坐4人枱! 等位都等到一肚气! 入到去叫野,食物款式比鼎泰丰少,但系价钱就差唔多。入单系同鼎泰丰一样,自己系上面写。我地3个人谂住拣几样食住先,拣左小笼包、担担面、排骨蛋炒饭同埋红油抄手。除左个排骨蛋炒饭有D水准,抄得几似鼎泰丰之外,其余几款都系鼎泰丰好食过佢 (价钱一样就当然会比较)。正想加单之际,隔离枱有3位职员,包括个经理,系度摆紧张6人枱。当我地叫佢埋黎,佢就话等阵,我地当然明白。点知佢地3个人执完位,其中2个行左去,得返个经理系度招呼o个6个外国客人 (西方人)。完全无人记得我地叫过佢。等左一阵,我地觉得系依间食店入面我地都系不受欢迎,所以决定走。(既然想叫加单唔成功,咁叫埋单啦!)张单$199.1, 我地俾$200佢,叫佢找返黎。(佢有加一,而且服务香港人的态度咁
入到去叫野,食物款式比鼎泰丰少,但系价钱就差唔多。入单系同鼎泰丰一样,自己系上面写。我地3个人谂住拣几样食住先,拣左小笼包、担担面、排骨蛋炒饭同埋红油抄手。除左个排骨蛋炒饭有D水准,抄得几似鼎泰丰之外,其余几款都系鼎泰丰好食过佢 (价钱一样就当然会比较)。正想加单之际,隔离枱有3位职员,包括个经理,系度摆紧张6人枱。当我地叫佢埋黎,佢就话等阵,我地当然明白。点知佢地3个人执完位,其中2个行左去,得返个经理系度招呼o个6个外国客人 (西方人)。完全无人记得我地叫过佢。等左一阵,我地觉得系依间食店入面我地都系不受欢迎,所以决定走。(既然想叫加单唔成功,咁叫埋单啦!)
张单$199.1, 我地俾$200佢,叫佢找返黎。(佢有加一,而且服务香港人的态度咁差,为左啖气,一毫子都要佢找啦) 结果佢找左9个一毫子俾我。(可能佢真系得返D一毫子啦...)
等位其间的有趣事情: 话说佢有个玻璃窗系专登俾你睇佢D师父整小笼包的。眼见4个师父,又专登拎个电子磅黎磅住每粒小笼包的重量,觉得好似好足料。不过,佢除左足料之外应该都仲加左料! 其中一位年纪较大的师父包包下小笼包眼痕,用手狂卒对眼,卒左2分钟之后,佢若无其实咁继续包! 虽然其实其他食店都一定有依D问题,而且我食完都无肚痛,但系你俾得人睇你整食物,唔该都检点少少啦。
总结: 价钱同鼎泰丰一样,等位时间又同鼎泰丰一样,食物质素比鼎泰丰差,服务态度(对非游客)就更加系差极!
张贴