大吉居酒屋 (已結業)

本身第二次去。第一次都觉得ＯＫ。但系岩岩去完第二次。Ｄwaiter同个经理完全唔得。我地book五大人一细路。我个女三岁。都冇谂过个小朋友唔俾钱。个经理走入黎问我个女几多岁。系直接问我个女。我想问，呢个经理问黎做乜?我又冇话唔俾钱。你咁样问真系唔知咩野意思?咁果你系话个小朋友唔够三岁唔洗俾钱既，你都唔系咁样问法下话。我地book房时已经有book个小朋友啦。如果你系谂住唔收我钱既就唔洗问啦。Ｄ野食又超慢，个门口食住全晚$178，个个都以为系$178食足全晚。点知完来系食两个钟。问番佢。佢话系全晚都系收费$178，冇第二个价㖞。我地食六点半至八点半，七点几就走入黎问我地仲有咩order，有就要快㖞。我地话系你地Ｄ野黎得慢咋。佢又掉番转头问我地order左Ｄ咩㖞！喂，你地自己跟啦，叫十样黎六样。叫Ｄ啤酒Ｄ数又系乱晒龙，买两支送一支。成日问我地饮左几多支。我地话不如一set一set计啦。一set三支咪好计啰。个waiter话咁样佢唔识计㖞。真系吹Ｑ涨。真系唔洗再去。