The Sky Bar

营业中

休息中

星期日大概6:30pm去餐厅食饭，都仲系未有好多人。今次叫左个蚝，一个platter有6只，6只既size都差唔多，都算大只饱满，味道都算新鲜，有d海水味，但就未有好满足既感觉，但都推介叫。个牛扒就有d太熟，我地叫五成熟，佢切开就7成左右，所以略嫌有d干，但都煎得有d香香地。另外，我地仲叫左fish&chips，fish同chip都炸得香脆，又唔会油腻，调味又刚好。甜品platter有4款，抹茶芝士十胜红豆饼，抹茶味唔会太涩，唔太食抹茶既人都会接受，红豆唔会太甜，味道都ok。红菜头水信玄饼既红菜头味唔算太出，唔洗惊会有d红菜头既青味，但仲带有红菜头甜味，有d似大菜糕。青苹果芭菲酸酸甜甜几开胃，加蛋白箱甜甜地，但唔会有腻。咖啡雪糕批，咖啡味涩涩地，上面朱古力有d盖过咖啡味，但个饼雪得有d太硬，个饼底有d难叉。整体来说都唔错。