古今二 (The ONE)

营业中

休息中

我同朋友都想食日本嘢，但又想特别啲，就拣咗创意卷物出名既古今二，原来尖沙咀都有分店，而且位置好方便。杂锦刺身沙律一上枱已经见到超大碗，沙律菜同埋刺身份量都好多，刺身有油甘鱼、吞拿鱼、蟹籽、三文鱼籽等等，加埋特制沙律酱汁，食完好满足。超级龙卷风寿司卷入面有鳗鱼、炸海老、芝士粒、青瓜、脆片，超大件，份量多，食落去好有层次感。樱花虾原条茄子烧一上枱已经香气四溢，樱花虾经过烘烤之后香气加倍浓郁，第一次试呢个食物组合，配搭特别之外味道亦好夹。黑豚猪颈肉串烧一咬落去食到黑豚油脂香，肉质系口慢慢溶化，非常高质。鹿儿岛黑豚荔枝卷串烧包住既荔枝令串烧口感清新，完全中和黑豚油脂感，食完一个好想再食另一个。