原汁原味

营业中

休息中

很耐之前外卖过下午茶一次， 印象中还可以，上星期日晚其他餐厅到处客满要等位,这家有位，就入去试下。一食就大失所望。所谓精美小菜$60一碟，分量劲少，细细几旧的班块仲要系面粉多过鱼肉。鸡肉好鞋又干，完全没有鲜鸡味。绝对系一般茶餐厅中下水准， 大家乐都好得多。 唯一味道还好系蒸肉饼，但感觉味精很重手，又多油又咸，食完劲口渴。。。食物麻麻都忍佢啦，但服务态度真系衰到离谱。 我个仔唔小心倒泻水，已经连声道歉，但个女企台一声不答，好晦气求其乱抹吓台，黑口黑面。见到两个女企台都劲恶好串，由落单到埋单全程黑口黑面。 入来食饭，不敢奢望你笑面迎人，至少都唔应该要无端睇你面色，食到一肚气。 宜家先睇到Open Rice都早有其他人指出食物难食和服务差，所以话拣餐厅前上网睇下系好有必要。好评自己决定有几可信，但差评就真系要看清楚，好重要。