影片
更多
2024-05-21
320 浏览
今时今日点解仲要留港消费呢？🤔系爱❤️呀！为咗留港消费，今日嚟咗好耐都冇行嘅青衣城。好开心啲旧铺仍然响度，但新铺都有唔少。近期生煎包好hit，有几间仲系长龙店。排队就唔好喇！随缘啦！行行吓就嚟咗坚信号，今日冇人排队就一于试吓。眼见店内有几张枱无人，加上门口冇人安排坐位，所以就直接行入去。点知俾个店员大大声讲：响出面揿飞仔呀！好啦！可能系规矩系咁，出去揿飞，唔驶半分钟又入过去（我觉得多此一举）。但行入去后，店员冇安排坐边，我哋见有卡位就坐啦（因为买咗啲嘢，有一大袋）！点知店员又大大声讲：坐埋一边。想转去坐张细嘅二人枱，咁啱又俾人坐咗。算啦！算啦！唔知系咪错觉，觉得啲店员个个都西口西脸，黑口黑面咁。Apps 落单，唔驶再面对啲店员，几好！今日点咗几款招牌。坚信号生煎包 包底煎得好脆，皮有啲厚，入面坚爆汁。又热又爆，建议最好笃一个窿摊一摊，摊15分钟左右先好食。肉馅结实，汤汁味浓，的确好食，难怪系招牌。灌汤小笼包皮薄爆汁，入口唔算好热。一啖食滋味无穷， 个肉馅同生煎包一样 ，所以味道，爆汁度同生煎包同样出色。红油韮菜饺子 红油有少少麻辣，但配韭菜饺子，皮太厚个人觉得有啲怪。配返薄皮云吞（抄手）
为咗留港消费，今日嚟咗好耐都冇行嘅青衣城。好开心啲旧铺仍然响度，但新铺都有唔少。
近期生煎包好hit，有几间仲系长龙店。排队就唔好喇！随缘啦！行行吓就嚟咗坚信号，今日冇人排队就一于试吓。
眼见店内有几张枱无人，加上门口冇人安排坐位，所以就直接行入去。点知俾个店员大大声讲：响出面揿飞仔呀！好啦！可能系规矩系咁，出去揿飞，唔驶半分钟又入过去（我觉得多此一举）。但行入去后，店员冇安排坐边，我哋见有卡位就坐啦（因为买咗啲嘢，有一大袋）！点知店员又大大声讲：坐埋一边。想转去坐张细嘅二人枱，咁啱又俾人坐咗。算啦！算啦！唔知系咪错觉，觉得啲店员个个都西口西脸，黑口黑面咁。
Apps 落单，唔驶再面对啲店员，几好！今日点咗几款招牌。
坚信号生煎包 包底煎得好脆，皮有啲厚，入面坚爆汁。又热又爆，建议最好笃一个窿摊一摊，摊15分钟左右先好食。肉馅结实，汤汁味浓，的确好食，难怪系招牌。
灌汤小笼包皮薄爆汁，入口唔算好热。一啖食滋味无穷， 个肉馅同生煎包一样 ，所以味道，爆汁度同生煎包同样出色。
红油韮菜饺子 红油有少少麻辣，但配韭菜饺子，皮太厚个人觉得有啲怪。配返薄皮云吞（抄手）会好啲。
上海粗炒（套餐）面条炒得干身唔油腻，咸味适中，一个人食绝对够饱。套餐包一款小食（2个小笼包），冻饮 ＋$3。
单恋豆乳仙草冻就系豆浆加仙草冻，两者配搭冇惊喜，唔明点解叫「单恋豆乳」，好肉麻。😅
总结食物质素系好嘅。但服务就强差人意喇！面对强大嘅竞争对手，除咗要食物质素外，仲要有服务态度。身为香港人固然对服务冇咩期待，但态度呢？可唔可以客气少少，唔好将你啲压力怨气反映俾我哋「享受」得唔得呢？
张贴
