十八味私房牛肉麵

营业中

休息中

8号波，食个lunch就返归，路过见到台式野 谂住好耐冇食过，再上网睇埋啲comment好似都ok，就走咗入去先。首先企门口个位唔知系咪老板嘅男人非常唔好脾气，讲唔够两句就自己急急脚走咗入厨房，跟住有另一个女人叫我随便坐，个男人就即刻弹返出嚟叫我坐埋另一边单边位，都算。再问佢系唔系有个霸王盐酥鸡卤肉饭，佢就好霸气咁同我讲:"你睇呢个餐牌唔啱㗎,食饭就拎另外一个餐牌自己睇啦！" 我当堂吓左跳，之后陆续见到好多人入嚟都系佢d态度都系非常差。心谂，啲嘢食好食就算啦。点知个盐酥鸡扒黎到，卖相系ok嘅，但个卤肉饭d卤肉好又肥又无味，个盐酥鸡炸得几好但又系无咩味(差小小想自己撒d盐落去)，个珍珠奶茶茶味又非常淡，出面是但一间茶饮都好饮过佢，都唔明点解啲人留言话呢间嘢好食， 下理为例。