食嘢 (已結業)

同屋企人喺附近行完街就去揾地方医肚，俾我哋发现一间好有特色嘅有得饮同有得食嘅餐厅，两间地舖连在一起，原来一间专门饮特色台式饮品小食、一间专门用餐的。餐厅的招牌很耀眼，用灯管做底，所以夜晚会特别抢眼，而且门口主要以蓝色为主，并布置成充满圣诞气氛的餐厅，准备迎接万众期待嘅圣诞节🎄。餐牌上的饮品非常吸引，每一杯都好想试吓，最后我拣选了一杯冻的黑糖珍珠多瑙河饮品。卖相有豹纹嘅条纹，搅匀一齐饮非常香滑，黑糖珍珠烟烟靭靭，好有口感。主菜我哋分别叫咗德国咸猪手西冷牛扒拼大虾薯条、招牌酸菜鱼、海胆海皇炒饭、宫保虾仁、香茅猪颈肉等等，极为丰富。当中非常欣赏招牌酸菜鱼，原来系餐厅嘅招牌菜之一，份量好大盆，其实足够我哋四个人食。入面除咗有酸菜同埋鱼块之外，仲有芽菜同埋薯粉，鱼好滑溜而薯粉好入味，仲有少少辣，非常滋味。不得不赞香茅猪颈肉外皮炸得非常香脆，食落去猪颈肉肉质鲜嫩，再点埋泰式辣酱，更加正！如果唔够食或者想食啲甜品，餐厅仲提供不同种类嘅芋圆甜品同埋特色饮品添，食物饮品多元化，唔惊食到厌。