哦吧OPPA & POCHA

营业中

休息中

我最钟意呢间韩国餐厅系由韩国人主理，因为可以食到正宗韩国传统嘅地道美食同烧肉。而且餐厅环境相当宽敞，干净卫生，令食客可以好舒适咁用餐。一坐低就会奉上六小碟前菜，每碟都好好味。我地叫咗个猪排骨，肉质鲜嫩，非常入味，而且好多汁，真系超好食。另外仲有佢地嘅大牛排骨一样超美味，肉质嫩滑，好有牛味，再配埋佢地自己腌制嘅酸萝卜或者生菜同酱料一齐食，口感一流，简直就系色香味美。另外再叫咗碟牛肉，亦超嫩滑，入口即溶，好好味，配埋佢地嘅韩国米饭一齐食简直超满足，真系每一碟都冇得输。而饮品方面亦有好多选择，包括好多韩国罐装饮品，梨汁同提子汁都好好味。总括来讲，呢间餐厅不单止食物有水准，环境舒适，而且服务员虽然系韩国人，但广东话好流利，态度亦非常好，全程都好贴心，照顾周到，令客人有一种好亲切嘅感觉，我一定要介绍多D朋友嚟食呢间咁好嘅餐厅，试埋佢地其他咁多款菜式！