水門雞飯 (裕民坊YM²)

营业中

休息中

观塘裕民坊商场YM2连接室内有盖巴士站，可以凉住冷气等巴士真系好正。前几日我见咁啱miss左班车，就决定喺附近医医肚，点知就俾我地食到呢间水准好高、但价钱亲民嘅泰国菜「水门鸡饭」！呢度铺位唔算好大，但新装修嘅关系好光猛舒服。餐厅虽然主打鸡饭，但餐牌都有唔少其他泰国菜嘅选择。俾大家望下个menu先～既然呢度招牌菜系水门鸡饭，但呢度原来仲可以选择双拼炸鸡，又可以加$10 upgrade鸡腿肉，一于试下！先讲炸鸡：炸得外层好香好热好脆，但里面嘅鸡肉仍然好juicy。而水门鸡就好滑好有鸡味，配合埋啲酱汁同油饭一齐食真系好惹味！另一个主食我地就食左凤尾虾炒金边粉。呢碟金边粉份量颇大，卖相吸引，而且唔会炒得太油。值得一赞系啲虾肉几爽口弹牙，一啲都唔会霉。呢度嘅甜品有我每次去泰国旅行一定食嘅芒果糯米饭。我最怕啲芒果好酸或者啲肉多渣，但好彩呢度嘅芒果质素颇高，而糯米饭亦唔会太甜！饮品方面，我地叫左一杯芒果冰、一杯龙眼水。两杯饮品都冰透心凉，而且唔会死甜，唔错！总结：呢间餐厅食物质素好，价钱亲民，值得推荐。