明珠閣 (已結業)

今日去新城市广场食lunch，同事提议去呢间，搭紧车已经用apps订定位，去到唔使等位。第一次黎，见餐牌好多款点心同小食，花多眼乱，我地三个人决定share个二人餐。同事推介叉烧皇，每件都几厚，入口够淋又有半肥瘦，好食。个餐可以选两款点心，拣咗春卷肠粉同腐皮卷，春卷肠粉入口时仲热，春卷香脆，腐皮卷香脆亦唔油。另外包一款饭面，拣咗姜汁蛋白炒饭，饭粒炒得几干身，姜味浓。个餐仲有两个汤同一碟炒芥兰，三个人食够饱。