Noc Noc

营业中

休息中

NOC NOC系一间酒吧餐厅，提供调酒同红白啤酒，不过因为小女子们不胜酒力，所以我地无叫到酒，叫左两个主食同一个小食。蒜香榄油天使面（$78）加$38配烤鸡，一上枱就闻到好香嘅蒜香味，配料有蘑菇、洋葱同鸡肉，鸡肉好滑嫩，肉量都多，而天使面软硬适中，简单用蒜、橄榄油、香料调味已经出乎意料嘅好食！大啡菇芝士牛肉汉堡（$118），牛肉分量十足，目测最少有一寸厚，牛肉食落去仍然好juicy，另外配有大啡菇、煎蛋、芝士、蕃茄、生菜等配料，当中的煎蛋煎到八成熟，蛋黄冇熟到变老，无流心效果，咬落去啲蛋黄唔会流到周围都系。大啖将成个汉堡食，所有配料融合，非常好食多汁，系我食咁多间汉堡之中，呢间餐厅嘅汉堡，系我心目中系数一数二的，非常推荐！汉堡仲会配上薯角同沙律。另外叫咗小食香辣薯角（$58），薯角外脆内软，外面用咗孜然等香料同盐作为调味，唔需要点番茄酱都好够味。餐厅环境情调十足，昏暗嘅环境，配上小灯饰，有美酒佳肴，好适合同朋友聊天讲心底话，最后同朋友坐左两个几钟先走，推荐比想食好西又想有个好环境夜话嘅人！