申子居酒屋

营业中

休息中

就算红雨都无扫走同好友食个靓饭嘅兴致。约咗好朋嚟到旺角黑布街。黑布街可以话系旺中带点静嘅好去处，距离地铁站唔远，但人流稍为少一啲，而且好多特色细铺同餐厅。今次试嘅申子居酒屋就系其中一个好地方！如一般居酒屋，喺出面睇唔到入边系点样，有啲神秘感！入到去侍应就好快带我哋上2楼。细细，但系都有十几张枱。12点黎到已经坐满一半，如果上嚟试，真系要预早少少！经侍应推介，而家优惠期间，买一个定食会送一个丼饭，抵！我哋拣咗寿司定食拼乌冬：样样都好新鲜，特别海胆寿司颈肥美鲜甜，食过返寻味！好钟意啲寿司饭尚有微暖，饭粒烟烟韧韧。三文鱼刺身仲劲厚身。乌冬都好弹牙，份量足。亲子丼：呢个系出乎我哋意料之外。原本以为系鸡肉同鸡蛋嘅配搭，原来系三文鱼同三文鱼鱼子！店家出手阔佬，劲多鱼子，而且系好新鲜。蟹肉蟹膏蟹甲烧：见到个名好特别，决定试吓。虽然望落细细份，但其实蟹膏蟹肉系塞满哂，份量好多。咸咸香香，好适合配饭食！呢间餐厅坐得好舒服，灯光以至气氛都好chill，值得再来。