金芝龍日韓美食外賣站 (已結業)

金芝龙主要卖日韩小食，例如乌冬，丼饭，韩式年糕等，仲有非常多街头小食炸物，明显走年青人路线。早前路经，由于啱啱食咗饭，所以只系买咗份特浓芝士鱼金砖，即叫即制嘅金砖非常热辣辣，店主温馨提示要小心食，仲好窝心咁递咗张纸巾畀我🤗。拎住个食物袋，我第一个感觉就系好揼本：只不过系几粒小食，居然用个外面系纸入面系胶嘅密实袋入住，袋口仲要封实，要撕开顶部才可打开，从而减少炸物嘅氧化速度，保持新鲜香脆。可见店主系个有要求嘅人。咬一口金砖，最先弹出嘅系芝士味，非常浓郁，最啱我呢啲芝士爱好者；金砖爽口弹牙，啖啖鱼蛋鲜味，好好食👍，不过稍为偏咸，食完四粒，又要去买嘢饮啦😂。