影片
更多
2024-07-18
466 浏览
自从新冠疫情到而家已经好耐冇去过Sidewalk食嘢，以前去开九龙湾𠮶间，因为试过有一段时间我觉得佢哋啲嘢食麻麻就冇再去。今日有嘢喺九龙塘做，谂住嚟乐富食啲嘢先，行过见到于是入嚟试吓。今日餐厅入边唔系好多人，都几宽敞，装修唔错。睇完餐牌见到佢哋下午茶选择都几多，望吓附近枱人哋叫嘅嘢食份量都唔细，五点几食个大大份嘅下午茶，应该可以当晚餐。我想食咖喱鸡扒饭配热奶茶。原来加$8可以有个餐汤同蒜蓉包，咁又真系几抵㖞。我听到隔篱枱有七至八个人话，用手机落单好混乱，拣拣吓嘢食突然间hang机，然后啲嘢冇晒，最后都系要人手落单。😂 不过我好成功咁用QR code落咗单，但系想加汤同埋蒜蓉包就揾唔到边度有得加入购物篮，终于问餐厅职员点入，佢话呢样嘢冇得入，系要人手落单㗎。🤣🤣🤣 最搞笑系，我明明同餐厅职员讲要白汤，点知嚟咗个红汤，我点咗热奶茶，送嚟嘅系冻奶茶。滴汗！😅😅再送来嘅热奶茶都几好饮，不过个忌廉汤就一啲都唔热，我觉得暖暖哋嘅忌廉汤好难饮，好似饮紧啲浆糊落肚咁。好彩咖喱鸡扒饭够热，啲咖喱汁唔系好辣但系好够味，捞饭一流，我差唔多食晒成碟饭，啲咖喱汁咁好味，碗咖喱鸡𩠌梗系食晒啦。😂😋我个人觉得无论装
今日餐厅入边唔系好多人，都几宽敞，装修唔错。睇完餐牌见到佢哋下午茶选择都几多，望吓附近枱人哋叫嘅嘢食份量都唔细，五点几食个大大份嘅下午茶，应该可以当晚餐。我想食咖喱鸡扒饭配热奶茶。原来加$8可以有个餐汤同蒜蓉包，咁又真系几抵㖞。
我听到隔篱枱有七至八个人话，用手机落单好混乱，拣拣吓嘢食突然间hang机，然后啲嘢冇晒，最后都系要人手落单。😂 不过我好成功咁用QR code落咗单，但系想加汤同埋蒜蓉包就揾唔到边度有得加入购物篮，终于问餐厅职员点入，佢话呢样嘢冇得入，系要人手落单㗎。🤣🤣🤣 最搞笑系，我明明同餐厅职员讲要白汤，点知嚟咗个红汤，我点咗热奶茶，送嚟嘅系冻奶茶。滴汗！😅😅
再送来嘅热奶茶都几好饮，不过个忌廉汤就一啲都唔热，我觉得暖暖哋嘅忌廉汤好难饮，好似饮紧啲浆糊落肚咁。好彩咖喱鸡扒饭够热，啲咖喱汁唔系好辣但系好够味，捞饭一流，我差唔多食晒成碟饭，啲咖喱汁咁好味，碗咖喱鸡𩠌梗系食晒啦。😂😋
我个人觉得无论装修同食物质素，乐富呢间都比之前去开𠮶间𠮶间好啲。至于服务就……
注：呢间餐厅系有收加一服务费嘅。
张贴
