家上海 (奧海城三期)

营业中

休息中

奥海城三期地下（以前simply life位置）啱啱开左一间叫「家上海」嘅上海菜，今星期日带埋仔仔一齐去试下。到左餐厅约三点有六七成空枱。三人点左三碗面、小笼包同一笼寿桃包。因食剩了两个寿桃包所以叫侍应入胶袋带走。离开餐厅后行左约十分钟就发现唔记得攞外卖包记返转头攞。入到餐厅我就同侍应讲：「唔该我头先唔记得左攞袋包。」跟著侍应就话：「吓我以为你包起左唔要掉左。」我好无奈就话：「我唔要就唔会叫你包起啦。」不过我觉得自己都有负责所以就话：「咁算啦。」正当我想转身走时有一个著白恤衫戴眼镜身形略胖嘅中年男人（疑似高级职员）就问个侍应咩事，个侍应就话头先袋包我以为佢唔要掉左。个男人一粒声都唔出眼尾都冇望我一眼就掂行掂过。我想讲句真心话，呢间餐厅食物虽然几好，但同奥海城二期既金满庭比较仲差一段距离，同埋人地金满庭既服务态度好好多，所以开左咁多年都大排长龙。而呢间「家上海」就.................。