影片
更多
2022-07-22
1266 浏览
观塘区好多特色餐厅, 不过好多都限时, 呢间打电话去问话不需限时, 而且openrice嘅食评都唔错, 唯独是服务态度一般, 本著唔信邪嘅心态就去试一试😝🥢蜜椒莲藕片$48莲藕炸得脆脆, 面头浆了一层薄薄的糖浆, 脆脆甜甜做前菜唔错🥢椒盐鲜鱿$128成棵花摆喺碟上, 非常之漂亮, 打卡绝对一流, 鱿鱼炸得热辣辣, 好香脆而且唔算油腻, 炸皮脆口唔硬, 亦唔会太厚粉, 鱿鱼新鲜炸得唔会过老, 口感弹牙烟韧, 面头洒上炸蒜粒, 少少辣, 绝对惹味之选😋🥢酥炸特色脆蚝饼$88蚝饼个炸粉我就唔系好识欣赏, 太过松脆, 睇落去好似好大碟炸蚝饼, 其实都系炸粉同埋葱粒充撑场面, 蚝仔嘅份量唔多, 蚝仔细粒及无乜蚝味, 食落唔惹味, 好似食炸粉咁🤭🥢话梅骨$98话梅骨味道适中, 有话梅味, 排骨质地有赵头有口感如以往的食评所写, 服务态度就认真一般👎, 我哋挂住倾计, 话梅骨及椒盐鲜鱿各净咗两件, 另外个炸蚝饼净咗一半, 侍应居然问我哋仲要唔要, 清咗张枱先😲, 咁我哋当然话要喇, 因为食下野倾下计好正常啫, 当时目测店舖喺有吉位嘅, 而我book位嘅时候亦都问过有冇限时(当天星期三), 佢哋回覆系
🥢蜜椒莲藕片$48
莲藕炸得脆脆, 面头浆了一层薄薄的糖浆, 脆脆甜甜做前菜唔错
🥢椒盐鲜鱿$128
成棵花摆喺碟上, 非常之漂亮, 打卡绝对一流, 鱿鱼炸得热辣辣, 好香脆而且唔算油腻, 炸皮脆口唔硬, 亦唔会太厚粉, 鱿鱼新鲜炸得唔会过老, 口感弹牙烟韧, 面头洒上炸蒜粒, 少少辣, 绝对惹味之选😋
🥢酥炸特色脆蚝饼$88
蚝饼个炸粉我就唔系好识欣赏, 太过松脆, 睇落去好似好大碟炸蚝饼, 其实都系炸粉同埋葱粒充撑场面, 蚝仔嘅份量唔多, 蚝仔细粒及无乜蚝味, 食落唔惹味, 好似食炸粉咁🤭
🥢话梅骨$98
话梅骨味道适中, 有话梅味, 排骨质地有赵头有口感
如以往的食评所写, 服务态度就认真一般👎, 我哋挂住倾计, 话梅骨及椒盐鲜鱿各净咗两件, 另外个炸蚝饼净咗一半, 侍应居然问我哋仲要唔要, 清咗张枱先😲, 咁我哋当然话要喇, 因为食下野倾下计好正常啫, 当时目测店舖喺有吉位嘅, 而我book位嘅时候亦都问过有冇限时(当天星期三), 佢哋回覆系冇嘅, 大概隔咗半个钟头之后, 又再过嚟问我哋啲嘢食要唔要, 清咗张枱先, 朋友就问佢系咪有限时, 佢就话冇, 咁就行咗去🙄, 其实系咪要咁赶时间清台呢🧐!? 当时都未够九点; 另外就系隔离枱有人坐低, 侍应突然间将块发泡胶隔板飞落我哋张枱, 畀佢吓亲😳; 再另外, 因为发泡胶板嘅关系, 冷气风太大及有人行过, 令到发泡胶板吹咗落地, 当时佢哋好得闲, 侍应都冇过嚟将佢执起, 要我朋友执起佢, 真系想问下佢哋, 点解执枱就咁有兴致, 执起块发泡胶板就唔想执🤨
就算啲嘢再好食, 员工服务差到咁样, 都好难再帮衬🙈
鱼坚总评
性价比 2👍
(以5👍为满分)
张贴
