永樂燒味小廚 (已結業)

今日一班朋友在此食lunch，我和太太先离开，念住去收银俾左自己个份钱先(先声明，在此已不是第一次食，亦不是第一次先分开俾钱)。之前俾钱个男人$43 人地俾1张$50+$5，念住你找$12 方便啦，佢找左 $2俾人，人地咪话欠$10啰，佢黑哂面同人讲你下次唔好咁俾，咁好乱，之后拎番人地个$5俾佢，再俾多1个$5，个男人都嬲到震走左。我见到都想帮口闹啦，自己找左钱仲黑面又话人乱，但个男人走左就算啦。到我俾钱，俾自己个份先，佢话唔得，又话好乱，我话你唔识计数做咩收银，佢话系呀我唔识计 😡我大声讲你唔收我走架啦，都无人理。呢个收银好似系以前海X个女人，个阵已经系咁既态度。年多前有一次系海X买一个奶油猪，问左外卖话$16，俾$20佢找，找番$3俾我，差点不为意，问佢点解佢先话外卖加$1，但重点系我一早话要外卖，同埋佢无讲就咁找少$1，之后黑哂面咁拎番$1。重点唔系$1，系你自己讲左价钱，点解可以唔出声收多人钱又唔同人讲，俾人发现仲要黑面 食野俾钱要受气，真系无可能再帮衬啰!*** 第一次写食评，估唔到要写一个大负评。虽则话茶餐厅唔系大酒店，唔系要你笑面迎人，但咁样口黑面黑，真系唔可能唔写出来啰