影片
更多
2022-04-05
1041 浏览
呢间食过好多次！一直都好钟意！亦都好支持佢！但经过今日我同我妈妈一齐去买外卖后，就唔想再帮衬！我妈妈都70岁，如果唔系一场黎到，仲等左咁耐，真系头也不回直接走！我地4点零去到间店，入面有少少人堂食，出面无人排队，店入见有一个女职员做紧野，咁就系门口等左一阵！等等下，由无人等到有人，后面黎多左7、8个人排队堂食！个女职员一直都执台、出餐，于是我妈妈就嗌左个女人一声，话想嗌外卖，个女人就望一望就算，完全无回应，就继续执台！跟住个女职员就开始俾啲堂食既人入去坐！我以为我后面𠮶家人因为有手抱住细路仔，所以俾佢地入去坐先，咁都好合理！我地都愿意等！点知个女职员安排左细路仔𠮶家人入去坐之后，都唔理我地呢啲想嗌外卖既人！佢仲继续执台、出餐，想俾后面排队既人入晒去先，都系继续无视外卖客！因为个女职员（定唔知老板娘）继续无视外卖，于是我入去同厨房个男人（好似系老细） 讲想嗌外卖！老细都话要等个女职员！咁我妈妈都70岁，企左系门口都等左好耐了，都攰了，所以佢就自己返去先！终于排队入去堂食既人入晒去啦！个女职员先出黎落外卖单！仲同我讲：「我都要做埋啲野先架！」我都好心平气和咁回答返个女职员：「唔系㖞！我由出
但经过今日我同我妈妈一齐去买外卖后，
就唔想再帮衬！
我妈妈都70岁，如果唔系一场黎到，仲等左咁耐，真系头也不回直接走！
我地4点零去到间店，入面有少少人堂食，出面无人排队，店入见有一个女职员做紧野，咁就系门口等左一阵！等等下，由无人等到有人，后面黎多左7、8个人排队堂食！
个女职员一直都执台、出餐，于是我妈妈就嗌左个女人一声，话想嗌外卖，个女人就望一望就算，完全无回应，就继续执台！
跟住个女职员就开始俾啲堂食既人入去坐！
我以为我后面𠮶家人因为有手抱住细路仔，所以俾佢地入去坐先，咁都好合理！我地都愿意等！
点知个女职员安排左细路仔𠮶家人入去坐之后，都唔理我地呢啲想嗌外卖既人！佢仲继续执台、出餐，想俾后面排队既人入晒去先，都系继续无视外卖客！
因为个女职员（定唔知老板娘）继续无视外卖，于是我入去同厨房个男人（好似系老细） 讲想嗌外卖！老细都话要等个女职员！
咁我妈妈都70岁，企左系门口都等左好耐了，都攰了，所以佢就自己返去先！
终于排队入去堂食既人入晒去啦！
个女职员先出黎落外卖单！
仲同我讲：「我都要做埋啲野先架！」
我都好心平气和咁回答返个女职员：「唔系㖞！我由出面无人排队，等到有咁多人排队，再入晒去㖞！」
我同我妈妈一直都排系队头，如果计排队，都应该要处理左我地先挂？嗌外卖唔系嗌完就走得，都仲要等啲野食出架嘛！落单都只不过几十秒，点解唔帮忙落左单先执台呢？何况我地一开始就出面就无人排队！我妈妈同个女职员讲话嗌外卖，佢只系望佢一眼，一啲回应都无！系因为佢系老人家？觉得佢食得唔多？都唔会帮衬好多，所以先无视佢？
当时只系4点零，距离6点都仲有个半钟以上既时间，都唔使赶到几十秒落一张外卖单都唔得，都要俾堂食客入晒去先？
我都唔明白！欺负老人家？觉得老人家唔会出声？或者唔重视外卖客啦！我都唔明白！
我地应该唔会再帮衬，食野为左享受！但今次就受气，野食OK都无用！
好令人失望！
例牌醉鸡
$39
50 浏览
1 赞好
0 留言
猪肺
$30
30 浏览
0 赞好
0 留言
张贴
