影片
更多
2011-02-07
225 浏览
初四去完乐富亲戚家拜年, 见去开呢头, 阿爸阿妈决定行落去附近既九龙城食泰国菜九龙城泰国餐厅选择众多, 平时一家人去开既另一间, 但系阿爸阿妈见咁耐无去过黄珍珍便选择了此店记得以前细个成日都会同阿爸阿妈去黄珍珍食饭, 但系已经几年无去是次去到黄珍珍的时间是约6:30p.m, 时间虽尚早, 但系已经好多人去到时先问领位员拎飞等位, 我地3个人, 佢话未有细台要等一阵, 第一张台就系我地见咁多人, 等下位好正常, 于是一家3口就倾下计, 等一阵, 心谂应该好快有位正当我地期待紧好快有位可以品尝美食之际, 问题就出现了现场有几台都系3位既客等紧位, 因为领位员话无细台但系有几台迟黎既4人客, 领位员就即刻话有台比佢地入, 但系其实3定系4位都从系坐4人台我明白D台多数系4人台, 比4位客入先系合乎经济效益, 但系无理由咁对待D客呀嘛?事后问番其他朋友, 发现呢个系黄珍珍规矩, 次次都系咁令到D客唔开心, 领位员又难做, 呢D规矩真系要改!等左15分钟之后终于入到去食饭, 坐的是2楼, 环境ok几舒服3个人总共叫左6款菜色, 菜单如下:泰式凤爪: 同普通的泰式凤爪无咩大分别, 凤爪够爽口,
九龙城泰国餐厅选择众多, 平时一家人去开既另一间, 但系阿爸阿妈见咁耐无去过黄珍珍便选择了此店
记得以前细个成日都会同阿爸阿妈去黄珍珍食饭, 但系已经几年无去
是次去到黄珍珍的时间是约6:30p.m, 时间虽尚早, 但系已经好多人
去到时先问领位员拎飞等位, 我地3个人, 佢话未有细台要等一阵, 第一张台就系我地
见咁多人, 等下位好正常, 于是一家3口就倾下计, 等一阵, 心谂应该好快有位
正当我地期待紧好快有位可以品尝美食之际, 问题就出现了
现场有几台都系3位既客等紧位, 因为领位员话无细台
但系有几台迟黎既4人客, 领位员就即刻话有台比佢地入, 但系其实3定系4位都从系坐4人台
我明白D台多数系4人台, 比4位客入先系合乎经济效益, 但系无理由咁对待D客呀嘛?
事后问番其他朋友, 发现呢个系黄珍珍规矩, 次次都系咁
令到D客唔开心, 领位员又难做, 呢D规矩真系要改!
等左15分钟之后终于入到去食饭, 坐的是2楼, 环境ok几舒服
3个人总共叫左6款菜色, 菜单如下:
泰式凤爪: 同普通的泰式凤爪无咩大分别, 凤爪够爽口, 但系比我平时食开既辣好多
烧猪颈肉: 呢个系见openrice咁多人推介而点的, 肉质不错, 切得亦够厚, 略嫌上菜时已微凉, 不够热
炸虾饼: 呢个唔错! 够爽口大件, 上菜时都够热, 加左D杏仁片落去炸, 几得意
羊架: 诚意推介, 好入味, 就算唔点酱汁都好好味, 而且完全无膻味
炒杂菜: 因为唔想剩食肉唔食菜而点了道这道菜,无咩特别, 一般炒杂菜, 有西兰花,通菜,椰菜, 芥兰, 草菇
椰汁芒果糯米饭: 饭后甜品, 可能季节唔岩, 芒果较酸, 椰汁几香浓, 但略嫌太少, 糯米几有咬口, 不错
份量都几大碟, 3个人分都够, 如果芒果甜番D, 椰汁多番D就更好
之前睇到好多人都觉得黄珍珍有少少贵, 但系佢既碟头比出面一D铺仔既大, 所以都ok
今次3个人叫左6样野, 连加一 $455埋单, 食到捧住个肚出番去, 都唔算太贵既
相
张贴
