更多
2023-01-26
480 浏览
大年初一同妈咪2个人去饮茶, 利舞台有好多酒楼就算一间冇位同可以去第二间。见呢间都几多人去就试下,估唔到一早去到都好爆下,好多一家大细团拜。好彩我地只系2个又咁啱有张细枱,唔洗等就入得坐低好快剔好点心,叫左8样,等一阵都好快上,见到全部侍应其实都好忙,因为真系好多客人。当佢上左一笼烧卖时,我话我地冇叫到㖞。因为妈咪唔食烧卖嘅,我亦唔会自己队一笼咁傻。之后其中一个侍应就叫上菜𠮶位拎返去柜枱𠮶边。以为就咁完,食到中段侍应再拎返茏烧卖嚟同埋张点心纸,话我有剔到。都怀疑左几秒,谂住可能真系剔错啦就话咁放低啦。然后妈咪都谂左阵话肯定我系冇剔烧卖,同时间其他点心已经上齐除左粉果,而粉果喺点心纸到系排喺烧卖下面。我地就谂可能落单佢睇错落左烧卖,我地冇追粉果,就系想等埋单时对单系咪真系冇入到粉果。而个推测系真,张单冇粉果但有烧卖,𠮶刻就觉得佢唔老实!客人点粉果你入错单,我话冇落但事后你唔想拎返入厨房,就喺我张点心纸剔左烧卖再拎嚟比我睇,等我都以为落错,叫左嘅冇嚟,冇叫嘅就嚟左仲话你有剔野食虽然唔差,但呢种咁嘅手法就令到我觉得唔系咁舒服,2个人饮左$500, 虽然知系新年,但其实都贵再加上咁样唔老实法🤦
见呢间都几多人去就试下,估唔到一早去到都好爆下,好多一家大细团拜。好彩我地只系2个又咁啱有张细枱,唔洗等就入得
坐低好快剔好点心,叫左8样,等一阵都好快上,见到全部侍应其实都好忙,因为真系好多客人。
当佢上左一笼烧卖时,我话我地冇叫到㖞。因为妈咪唔食烧卖嘅,我亦唔会自己队一笼咁傻。之后其中一个侍应就叫上菜𠮶位拎返去柜枱𠮶边。以为就咁完,食到中段侍应再拎返茏烧卖嚟同埋张点心纸,话我有剔到。都怀疑左几秒,谂住可能真系剔错啦就话咁放低啦。然后妈咪都谂左阵话肯定我系冇剔烧卖,同时间其他点心已经上齐除左粉果,而粉果喺点心纸到系排喺烧卖下面。
我地就谂可能落单佢睇错落左烧卖,我地冇追粉果,就系想等埋单时对单系咪真系冇入到粉果。而个推测系真,张单冇粉果但有烧卖,𠮶刻就觉得佢唔老实!客人点粉果你入错单,我话冇落但事后你唔想拎返入厨房,就喺我张点心纸剔左烧卖再拎嚟比我睇,等我都以为落错,叫左嘅冇嚟,冇叫嘅就嚟左仲话你有剔
野食虽然唔差,但呢种咁嘅手法就令到我觉得唔系咁舒服,2个人饮左$500, 虽然知系新年,但其实都贵再加上咁样唔老实法🤦🏻♀️唔会想再去
灌汤饺$88, 都ok la, 汤味唔差
烧排骨,骨多过肉
煎腐皮卷,好脆最好食呢个
金钱肚唔够淋
小笼包,有汤汁只系略嫌粒馅肉太大
冇叫到但又话我有叫嘅烧卖
仲叫左珍珠鸡同鸭脚扎冇影相
张贴