The Seafood Kitchen (已結業)

早几个星期已book左台8点，点知黎到都要等到9点先入得，呢个价钱黎讲完全接受唔到呢个服务态度！讲返食物，我地叫左蒸海鲜包括濑尿虾王，蛏子，大花蛤，鲍鱼，蟹，食落都新鲜同干净，特别系濑尿虾真系超大只同好多膏！蟹都好鲜甜，肉质实净，不过$988一只黎讲就细左d! 花蛤蛏子就正常啦，唔好太大期望，整体都新鲜。而最下层汤底就吸收晒精华，就咁饮都好味！再叫左少量火锅料，牛肉、乌冬、栗米等，大家如果真系要去记得饮左汤先好开始打边炉。火锅料都系贵，牛肉$188得8片，薄切得黎肥瘦均匀，加上汤底鲜甜，好味。整体食物质素可以，不过服务质素一般，定价过高，建议大家试其他食店。负评系因为真系觉得真系不值一试。