甜椰椰 (已結業)

住喺沙田围附近几年，已经成日去帮衬，平日通常食窝夫，心太软同椰皇，全部都好好味，尤其杨枝甘露椰皇（下次有机会补返张相）但今日啱啱食完饭比较饱，所以最后决定只叫咗个香蕉船，食物方面，雪糕始终系攞货返嚟，所以叫做不过不失，胜在多味道选择，好似有七定八款。但系今日我要赞嘅系佢哋嘅服务，今日可能星期日，人客比较多，我晚上10点几去到要排队，我一个人，预计应该唔使排好耐所以照排。大约2分钟到就有个姐姐安排我坐一张二人枱，虽然佢哋忙到甩辘，但依然细心讲解边啲嘢食冇货边啲好食，仲慢慢话俾我听有咩雪糕口味选择，（我个人比较麻烦,谂口味都谂左劲耐🤣)，最后大约5分钟就有得食，虽然可能大家觉得香蕉船好易整，但其实当时真系好多单，如果我系呢度嘅员工，我相信我黑左面好耐啦！