影片
更多
2021-10-13
206 浏览
好耐之前喺机场食过泰潮，觉得食物唔错，所以每次入机场都会去再食，但系自从机场𠮶间结业之后都冇再食过。早排知道葵芳开咗一间，一直都未有机会试，早两日终于有机会啦。中午十二点松啲去食个午饭，人客唔多，应该未到食饭高峰时期，所以入到去都唔使等位，眼见几张四人卡位都系两个人坐，咁啱又见到有一张四人卡位吉咗，所以就坐咗落去。点知有个侍应姐姐话张枱系留畀四个人坐嘅，叫我哋坐返去二人座位，都明嘅，香港地方寸金尺土，又就嚟到食饭高峰时期，唯有稍移玉步。之后叫咗个“泰式卤水猪髀饭”同埋“泰式炒金边粉”，另外加多两杯饮品。隔咗一阵有两个人坐咗落张四人枱，之后个侍应姐姐（叫我哋坐去第二张𠮶个）仲帮佢哋收返多出嚟嘅餐具。当时心谂系唔系自己唔够人地靓仔呢。哈哈哈哈！食物嚟到之后，卖相同味道相比机场嘅差不多，只系食物嘅量相对于以前机场比较少。可能而家物价又高咗所以缩咗水有一样嘢比较在意嘅系，派送食物嘅侍应阿姐，派送食物畀坐我隔离枱嘅食客嘅时候，佢顺手收咗个好细只嘅小食碗，之后就走去另一张枱用同一只手派送食物畀其他客人。个重点系：我系见到隔离个食客，系对住餐桌上面餐具食物又咳又呻鼻涕，所以个心突然就打咗个冷震。可能
中午十二点松啲去食个午饭，人客唔多，应该未到食饭高峰时期，所以入到去都唔使等位，眼见几张四人卡位都系两个人坐，咁啱又见到有一张四人卡位吉咗，所以就坐咗落去。点知有个侍应姐姐话张枱系留畀四个人坐嘅，叫我哋坐返去二人座位，都明嘅，香港地方寸金尺土，又就嚟到食饭高峰时期，唯有稍移玉步。
之后叫咗个“泰式卤水猪髀饭”同埋“泰式炒金边粉”，另外加多两杯饮品。
隔咗一阵有两个人坐咗落张四人枱，之后个侍应姐姐（叫我哋坐去第二张𠮶个）仲帮佢哋收返多出嚟嘅餐具。当时心谂系唔系自己唔够人地靓仔呢。哈哈哈哈！
食物嚟到之后，卖相同味道相比机场嘅差不多，只系食物嘅量相对于以前机场比较少。可能而家物价又高咗所以缩咗水
有一样嘢比较在意嘅系，派送食物嘅侍应阿姐，派送食物畀坐我隔离枱嘅食客嘅时候，佢顺手收咗个好细只嘅小食碗，之后就走去另一张枱用同一只手派送食物畀其他客人。个重点系：我系见到隔离个食客，系对住餐桌上面餐具食物又咳又呻鼻涕，所以个心突然就打咗个冷震。可能近排疫情关系对呢方面比较敏感。都唔紧要啦大菌食细菌，哈哈
如果以以前机场𠮶间比较嘅话
总括嚟讲食物质素系差唔多，分量系少咗啲，只系员工服务上有待改善。
张贴