Cafe Hillywood (已結業)

星期五放工约左好友去呢道食饭，两日前打电话book左位。不过其实冇book都ok，坐左成晚餐厅都系得五成full。店员递上Menu, background music系John Mayer - Moving On and Getting Over，即刻觉得relax左d，happy friday night就系应该去咁样既cafe Menu有好多选择，样样都想试最后尾都系叫左本身黎依间cafe既目的 - 本尊海胆三文鱼子意粉 $168，同埋牛肝菌酿意大利云吞 $128。可能因为唔太多台食客，食物好快就到。海胆三文鱼子意粉 - 意粉系fettuccine，比较粗身，个人好like! 意粉好挂汁，海胆大大片、味浓唔腥，不过意粉稍为overcook左d，我prefer al dente、硬d有咬口既。如果多番d三文鱼子会更好，令味道更鲜。7.5/10, 可以一试。牛肝菌酿意大利云吞 - 本身自己好钟意食ravioli，次次食意大利菜都会嗌。今晚依个ravioli就麻麻地啦，馅料偏咸，就算有厚厚地既云吞皮夹埋一齐食都觉得咸，令到盘入面既白汁同菇食落唔够味。份量还可以，一盘有8只大既，6/10。