必勝客

营业中

休息中

去过好多唔同地区嘅Pizza Hut，从来都冇谂过写食评，但东港城分店真系要写下。以往堂食过几次，不发觉有问题，但呢次坐近厨房，就好大问题——好嘈。除了门口叫飞，因为收餐具嘅车都喺附近，侍应收碟和餐具后放低会有声，有时仲推车行来行去。最嘈的是，刚巧洗完刀叉匙，侍应分餐具时发出极大嘈音，仲要两个侍应分别喺唔同位分餐具，立体声咁，嘈到同台讲野都听唔到。很少西餐厅会咁嘈，可能本身设计问题，仲嘈过中式酒楼。食物方面，假日有午餐，便宜过散叫，但人均消费都差不多100元。试了新出嘅意式 辣肉肠Dip脆批，有啲似两件薄脆批对折。 两款酱一款是蕃茄酱，另一款有点像凯撒沙律酱，还有少许有醋的沙律。个批很香脆，一共两件，就咁望会觉得唔够饱，食完都算ok，另外加了十蚊两只鸡翼。食到第二件批会开始觉得有啲咸，本身辣肉肠都咸，所以越食越浓味，要饮水清下味蕾。 两个酱汁方面觉得番茄酱较为适合，因为个批本身系蕃茄酱底，加沙律酱有啲怪怪哋。总括而言食物质量没有问题，价钱也算适中，最有问题的是环境，真系超级嘈。