王家沙．花樣年華 (K11 Musea)

营业中

休息中

🥟🥢王家沙𑁍花样年华🫖🍜今晚约左朋友食饭, 尖沙咀最方便，而且想食上海野小笼包🥢😆揾下揾下，都唔会记得musea MoMa隔离有王家沙👍咁就去试下啦！🔸镇江肴肉 - 已经有陈醋配埋在碟内了，肴肉都适当厚度，正常味道！😋🔸蒜泥白肉 - 我喜欢白肉内有青瓜或者蒜芯系入面，因为口感会爽口啲，清新啲，配埋酸辣蒜汁，好岩夏天食🔸 炸黑毛猪扒担担面🍜 不辣 - 担担面同汤汁黏稠，好难夹起，但汤汁浓，系传统担担面花生酱既质地。至于黑毛猪扒，炸得香口，不过咬开有啲肥膏。🔸苏式鲜肉小笼包 - 肉同皮都正常，汤汁都正常份量，不过不失，未到好惊艳🔸高力豆沙 - 我念都系叮番热上枱，黎到有一个扁左，豆沙馅料唔系好多，面皮既蛋白包都松软，整体唔算好甜，觉得馅料多少少会好啲。今晚评价系食物无问题，正正常常。但侍应成间餐厅得一，两个，无人收枱，无人斟水，埋单好慢🥹仲有冷气太冻，好快吹到啲野冻哂，小笼包影个相已经变暖，唔系热，有啲不足，大家衡量下。