雄丼丼 (已結業)

一班同事去食晏，人多等位，老板叫我地嗌左嘢先，有位就即刻有得食。等左十分钟左右就有位，坐左十五分钟都未有嘢食。追单后竟然同我地讲冇长通粉，改螺丝粉好唔好。咁即系漏单啦，咁耐先话冇~跟住嚟左一个粉，仲要系生嘅~ 同侍应讲，佢竟然话因为太多人，啲粉难煮熟，转第二样好唔好？吓？！多人就煮唔熟，有冇搞错？我地坚持食螺丝粉，跟住另一个就话帮我地煮熟啲。其实呢度啲嘢食都Okay,不过服务水准真系不敢恭维。嚟左几次，每次都有错漏，新开时仲可以接受，都己经一段时间，仲系咁样真系好差，整得几好食都系假！虽然佢为左表示歉意减左三蚊俾我地，但系我都系想食得开心，唔系志在三蚊啰！希望间舖会改进，唔系啲好快走哂~