Ulyssa by Aldou (已結業)

难得闲日公司放假，所以去左好耐无去既荔枝角～下午行下翻新左既工厦睇下手作，行完当然要揾间工厦既餐厅食左啦～唔好以为荔枝角系个工厂区，其实依度都好多餐厅。系Openrice搜索到依间西餐厅，就上黎试一试～依度既室内设计好优雅，以植物、花、木等为主题，有个藤梳化櫈，少女或有少女心既一定不能错过既打咭位🥰我地点左：澳洲草饲肉眼扒8安士配薯菜黑松露烧汁五成熟，烧得岩岩好，外面煎香，内面仲带红，咬落肉质嫩又软。醮上黑松露汁将煎香既牛扒带上更高层次。配上香脆薯条及造型可爱又甜既原条金旬，仲有煎香既蕃茄厚片，卖相立即加分😘保湿猪肉眼粒牛肝菌意大利饭保湿猪肉味道似焗猪扒，但猪扒有时都会靭，而保湿猪肉眼粒肉汁保留之余，肉质亦软嫩，而且每旧猪肉也带点脂肪所以口感滑，做得非常好。意大利饭吸收左牛肝菌既香味，所以好好食。而且大大粒软绵绵，我推介👍🏻烟三文鱼牛油果芝士卷厚厚既烟三文鱼烟薰味浓郁包普刚好熟透既牛油果，口感滑，仲有水牛芝士带点烟靭。加上下面沾上榄榄油既沙律菜带著既独特味道，依个前菜无论系味道同质感都非常丰富。