影片
更多
2008-07-19
22 浏览
七月十七日(星期四)同老公仔约左娜姐, “妈妈”去试呢度既下午茶餐…因为下午餐六点就无, 我地准时五点半就系公司出发, 一来到, 因为制作需时(大约30分钟), 立刻order呢度闻名既”太平馆式梳乎里”…点解咁出名, 最大原因系佢既庞大身型, 比起正宗法式梳乎里大上岂止十倍!!!呢度既二人下午茶餐有两款, 一个系特选菜式入面选4款, 配两杯餐饮, HK$68, 另一个就系选六款加两杯餐饮, 成为HK$88…卖得咁便宜, 唔好希望会好大碟, 小食多滋味ma…我地四个叫左一个梳乎里, 以及以下八款:瑞士汁鸡翼意粉 – 瑞士汁鸡翼系呢度既名作之一, 瑞士汁既甜味同鸡肉好夹, 至于意粉就唔太夹, 干了点黑椒猪扒意粉 – 出乎意料的好味, 猪扒好有肉感, 有咬口, 而且浓郁的黑椒味, 捞埋意粉食, 简直系绝配! 一流!咸牛脷米粉 – 比起上次食, 好味好多, 因为上次系配干意粉, 今次则用汤米粉, 夹好多, 牛脷咸度适中, 有嚼劲, 配米粉系不二之选白汁意粉 – 呢个平平无奇, 白汁尚可, 不过好似无乜𩠌…红豆雪糕 – 其实系云呢拿雪糕配上红豆, 值得一提系d红豆, 几有”红豆”味, 而且每一
同老公仔约左娜姐, “妈妈”去试呢度既下午茶餐…
因为下午餐六点就无, 我地准时五点半就系公司出发, 一来到, 因为制作需时(大约30分钟), 立刻order呢度闻名既”太平馆式梳乎里”…点解咁出名, 最大原因系佢既庞大身型, 比起正宗法式梳乎里大上岂止十倍!!!
呢度既二人下午茶餐有两款, 一个系特选菜式入面选4款, 配两杯餐饮, HK$68, 另一个就系选六款加两杯餐饮, 成为HK$88…
卖得咁便宜, 唔好希望会好大碟, 小食多滋味ma…
我地四个叫左一个梳乎里, 以及以下八款:
瑞士汁鸡翼意粉 – 瑞士汁鸡翼系呢度既名作之一, 瑞士汁既甜味同鸡肉好夹, 至于意粉就唔太夹, 干了点
黑椒猪扒意粉 – 出乎意料的好味, 猪扒好有肉感, 有咬口, 而且浓郁的黑椒味, 捞埋意粉食, 简直系绝配! 一流!
咸牛脷米粉 – 比起上次食, 好味好多, 因为上次系配干意粉, 今次则用汤米粉, 夹好多, 牛脷咸度适中, 有嚼劲, 配米粉系不二之选
白汁意粉 – 呢个平平无奇, 白汁尚可, 不过好似无乜𩠌…
红豆雪糕 – 其实系云呢拿雪糕配上红豆, 值得一提系d红豆, 几有”红豆”味, 而且每一粒都是完完整整的, 绝唔系破烂的一堆…
banana Pancake -
鲜虾沙律 – 唔错㖞, 系少左d, 不过d虾都几新鲜, 用料都唔马虎
鸡蛋沙律 – 无什特别, 不过不失之作…
主角仍然系”太平馆式梳乎里”, 一座高山来到, 我们都哗一声, 待应先为我地用特大义和匙将之分体, 食落去, 好”泡泡”的感觉, 软绵绵的, 会令人食得好开心, 而且有鲜鸡蛋味…Yummy!!!
呢度随了食物质素有保证外, 餐厅的环境和服务质素都是一绝…餐厅的装潢用暗光的设计, 营做了一个和谐的气氛, 令人食得好写意自在, 而服务质素比上次大有进步, 待应奉上殷勤的服务, 令到我地都食得好开心满足…
食完喇, 又系时候返….公司…!!! 毕竟系 Pear Season ^.^
张贴
