影片
更多
2021-11-22
545 浏览
为咗庆祝屋企人生日，见到半岛酒店有个生日优惠promotion，4位或以上帮衬晚市套餐即有1位免费同埋获赠生日蛋糕1个。🍽食物：Birthday Rewards Set Menu $488/set我哋𠮶晚总共嗌左四个course，每道菜都有唔同选择。首先上左几款面包可以refill，前菜选择有：👍🏻大虾Cocktail沙律大虾配千岛酱酸酸甜甜好开胃，加埋茴香、车厘茄、萝卜整体感觉清新。👍🏻亚洲猪颈肉沙律沙律配海鲜酱，猪颈肉烧得焦香，再加埋d脆脆增加口感，微微酸辣味令人好快食晒，唯一缺点系摆盘唔系好靓😂👎🏻淡咖喱椰菜花汤杏仁片同椰菜花有咬口，Menu写有焦香牛油，其实唔觉有牛油味，咖喱味都唔突出，仲愈饮愈咸，比较衬用面包点嚟食主菜：👉🏻香煎鲈鱼柳烩番茄甜椒油封马铃薯羽衣甘蓝脆片鱼柳面煎到好香，但啲肉唔鞋仲有少少滑，不过调味偏淡同食唔到鲜味，反而蕃茄嘅酸甜味抢晒focus👉🏻烤羊架及香草免治羊肉饼芹菜根蓉甘笋羊肉汁羊肉唔骚不过有啲韧，至于羊肉饼冇乜特别，都系冇羊味😂👍🏻炭烧澳洲牛柳 +$128系三个主菜入面最好味个个，外面煎到焦香但入面系粉粉哋，唔会好韧而且牛味好浓，但系得半个手掌咁大块😂
🍽食物：
Birthday Rewards Set Menu $488/set
我哋𠮶晚总共嗌左四个course，每道菜都有唔同选择。
首先上左几款面包可以refill，前菜选择有：
👍🏻大虾Cocktail沙律
大虾配千岛酱酸酸甜甜好开胃，加埋茴香、车厘茄、萝卜整体感觉清新。
👍🏻亚洲猪颈肉沙律
沙律配海鲜酱，猪颈肉烧得焦香，再加埋d脆脆增加口感，微微酸辣味令人好快食晒，唯一缺点系摆盘唔系好靓😂
👎🏻淡咖喱椰菜花汤
杏仁片同椰菜花有咬口，Menu写有焦香牛油，其实唔觉有牛油味，咖喱味都唔突出，仲愈饮愈咸，比较衬用面包点嚟食
主菜：
👉🏻香煎鲈鱼柳烩番茄甜椒油封马铃薯羽衣甘蓝脆片
鱼柳面煎到好香，但啲肉唔鞋仲有少少滑，不过调味偏淡同食唔到鲜味，反而蕃茄嘅酸甜味抢晒focus
👉🏻烤羊架及香草免治羊肉饼芹菜根蓉甘笋羊肉汁
羊肉唔骚不过有啲韧，至于羊肉饼冇乜特别，都系冇羊味😂
👍🏻炭烧澳洲牛柳 +$128
系三个主菜入面最好味个个，外面煎到焦香但入面系粉粉哋，唔会好韧而且牛味好浓，但系得半个手掌咁大块😂
甜品：
👍🏻红莓挞杂莓汁配杏仁脆脆
红莓酸酸甜甜好清新，岩先食左啲咁浓味嘅嘢好岩解腻，食完都几饱下
👉🏻榛子忌廉泡芙果仁脆脆榛子雪糕
雪藏泡芙个皮已经唔脆，面个旧系榛子cream入面都系榛子cream，榛子味浓但都几甜下，再加埋雪糕都系榛子味😂，呢个食完会好滞
送嘅系榛子mousse蛋糕(又系榛子😂)，上面块生日牌仲写左屋企人个名，员工帮我哋影完相之后仲帮我哋分埋
⛩环境：
👍🏻半岛个大堂出左名靓，当晚入座人数唔多，同其他食客隔得好远坐得疏落好舒服
👉🏻全晚有live band表演，一开始我哋坐嘅位比较接近live Band，我哋想静静哋食饭，然后员工帮我哋调咗去离live Band最远嘅位😂
💁🏼♀️服务：
👍🏻五星级酒店嘅服务一流，员工全程都好有礼貌同有耐心对答，仲帮我哋影左啲靓相😂
📝总评：7/10
👉🏻全晚食左好多榛子😂每道菜嘅份量都比较少，不过食晒成个course对我嚟讲份量啱啱好，可能男士就唔足够啦，但系如果有值得庆祝嘅场合，呢度系个好选择👍🏻
⏱冇限时
张贴
