茶木‧台式休閒餐廳 (上水中心)

营业中

休息中

喺一个黄雨的下午，我和爱人到了上水探完亲戚就去揾啲嘢食，顺便避下雨。时间尚早，所以无去食饭，只去了一个台式餐厅食下午茶。餐厅都几好生意，好彩有张二人台。抬头望上去，见啲灯饰都几靓。我哋叫咗，高山蜜香红茶奶盖，两份饮。茶底系冻乌龙，加咗好多奶，奶味太重掩盖咗茶味。仲有叫咗，金黄盐酥鸡。炸得香脆惹味，最重要系无骨，啖啖肉，好正!之后系食巧克力曲奇蜜糖砖块。个卖相好得，好震撼! 味道都唔差。最后，每人食一个芋圆仙草。我食黑糖芒果芋圆仙草，爱人就食黑糖草莓芋圆仙草。两个都好好食，尤其系喺呢种闷热又潮湿天气之下食，有超爽的感觉。