牧羊少年咖啡館 (白楊街)

营业中

休息中

瞓醒已经12点，想同朋友仔去食餐好啲嘅午餐，悠悠闲闲倾吓计。就去博下排下队睇吓间野有冇位，朋友仔话早啲出嚟等位但系佢住得远我到咗先大概一点钟。都系要等到接近两点先有得食。原本坐入边啲沙发位，可能人地要拍埋大枱叫我地转出去，仲好有独立位坐得仲舒服😁。扰扰攘攘仲叫到午餐，朋友仔就食咗个鸡肉番茄芝士长通粉，我点左磨菇海鲜意粉同埋次次黎亲都系食至爱既鲜果燕麦片乳酪沙律。是日果茶系青瓜芒果冰茶。一直以来多人都好啦，环境几舒适，气氛好鬼伪文青，理念sell旅行中晒。以前夜晚又有乐队又有旅游达人sharing，成件事真系好台湾feel。依家可能红咗揾钱喇，就少咗好多呢啲安，变咗商业化左，以前menu啲嘢食特别啲而家好似普通左。可能控制唔到个质素🙄长通粉鸡肉少咗啲啲。蘑菇海鲜意粉海鲜都几多，几多只虾，虾都几爽。沙律同以前差唔多都系好味😋。本想食下午茶甜品set嘅，但朋友仔第一次来唔够饱，叫多咗个下午茶餐辣鸡扒乌冬面真系影响左成餐饭，好似普通茶餐厅煮出来的一样，拉低晒啲分🙄。呢度份量系只适合草食性男仔黎😂饮茶时段少咗好多人佢哋冇赶走我哋。可以倾多阵计嘻嘻。