德美壽司

营业中

休息中

朋友话想食寿司，话想食番以前中学个味。今次就嚟咗大埔嘅德美寿司，呢间餐厅门口都挂住好靓好日系嘅橙色灯笼，装修以以前日式嘅木调为主，入面有好多木雕嘅艺术品。餐厅唔算大，但系算坐得几舒服。今次点左：✨大虾刺身沙律俾我想像之中劲足料，面头仲有好多蟹籽。食到底都仲系会有酱汁，唔会食到尾剩系得生菜干铮铮。✨野菜牛肉锅因为天气冻，有啲想食热嘢，所以叫咗个野菜牛肉锅！入面有生牛肉，利用个热锅入面嘅热汤，令到个生牛肉熟得啱啱好，保持嫩滑。仲有好多蔬菜同埋豆腐，粉丝同鸡蛋，所有嘢都恰到好处，超夹。✨牛油果软壳蟹卷 我去个阵我朋友已经叫我一定要叫牛油果软壳蟹卷 所以我期望好高，点知真系冇令到我失望，佢个软壳蟹炸得来唔会好油，而且落碟仲系热辣辣！揸到好酥脆嘅软壳蟹再加埋牛油果同埋蟹籽，再加埋青瓜丝铺喺上面，再加埋沙律酱，我真系有咁大擘咁大个把口😆咩形象都唔想理啦！✨三文鱼腩寿司🍣油甘鱼寿司🍣每件寿司都好新鲜，啲刺身唔会好薄，鱼肉肥油适中。