海皇粥店 (華安大樓)

营业中

休息中

师傅早几日病病地, 唔系好舒服, 于是乎黎左呢度食粥一餐, 顺便清清肠胃!入到去都几多人关系, 要等左一阵先有位, 坐底后师傅就叫左碗艇仔粥, 而友人就叫左一碗皮蛋瘦肉粥, 再加上斋肠, 炒面同埋叉烧肠粉!艇仔粥粥底唔算绵, 好水下, 而猪皮都几爽口, 尤鱼普普通通, 好一般; 皮蛋瘦肉粥睇落下都不过不失, 唔算好绵, 冇试过唔太清楚; 斋肠都算几滑, 几好味; 炒面都几大碟, 炒得唔算油, 都几好味; 而叉烧肠粉算系最好味, 肠粉够滑叉烧又够入味, 真系好正!总括黎讲呢间食店水准真系几海鲜下, 有d店舖就整得好好味, 有d就麻麻地, 而呢间算系一般; 不过地方算干净, 感觉系好卫生, 埋单六十五蚊, 唔算太贵, 都可以一试!