海記合桃坊甜品 (已結業)

今日喺太子附近食完晚饭，周围揾饭后甜品，发现呢区嘅糖水店只有海记，而价钱都相当合理，所以就入去试吓！小店生意不错，座无虚席，等5-10钟才能入座屡见发生。装修干净整齐，属于食完即走的经营模式。今次拣咗姜汁雪乐冰豆腐花及芝麻糊配杏仁糊。前者口味独特，用冰冻嘅云呢拿雪糕加入姜汁，食法很新颖，味道异常夹配，令人眼前一亮。后者两款糊都很香，我较喜欢杏仁糊，因为味道很清新，糊香四溢，质感相当幼滑。芝麻糊也不错，但味道较浓，所以唔建议混合嚟食，咁样杏仁糊嘅味道会被盖过。呢间小店不愧为“食糊”专家，一般的中式糖水都很出色，价钱又合理，两碗糖水都系四十几蚊，今时今日去边度揾呢？下次我一定叫杏仁糊嚟试真D！