影片
更多
2018-12-04
2098 浏览
午餐谂唔到食咩好，老顶话不如去食下素清清肠胃，咁一于一大班人去清下咁。呢间素食餐厅系工厦上面，去到地下转两转入电梯，上到2楼就出得，右转行到尽左手边就系间餐厅。入到内笼似佢个名，的确系canteen嘅摆款，上面有得叫素食，单拼35，双拼40，算系大学can既中价食品咁。餐单系写系收银块板上面，所以每日餐单都系跟当日食材。见佢个度有米粉，呢日唔系几想食饭，就叫左40蚊既米粉连炸素吉列猪扒，姐姐人好，仲额外加XO酱添，米粉OK，唔会太油腻，配上素菜菇片，食落唔会寡口，味道唔错。配上素扒，素扒入面嘅肉应该系豆制品，食落好似真肉嘅口感，但唔似真肉嘅肉味咁重，相对淡淡豆味，内里仲配搭冬菇，素扒食落系肉饼既口味，外层炸得香口，认真好味！个餐会跟时菜，时菜系小唐菜，煮得唔错，火候恰度好处，咬落唔会太淋而烂开，但又唔系未熟嘅菜。汤是跟餐嘅，呢日系红菜头汤，红菜头味道类似萝卜，汤有草青嘅香甜味，（唔系话佢洗唔干净！）唔腻口，饮落可以清左素扒嘅油腻。餐厅内可以自行添饮苦丁茶周柠檬水，柠檬水好受欢迎，所以去添嘅时候冇哂，试下苦丁茶。苦丁茶认真，真系苦，要修下仙嘅啱饮。另外推荐餐厅嘅萝卜糕，炸得香口唔黐牙，咬
呢间素食餐厅系工厦上面，
去到地下转两转入电梯，
上到2楼就出得，
右转行到尽左手边就系间餐厅。
入到内笼似佢个名，的确系canteen嘅摆款，
上面有得叫素食，单拼35，双拼40，
算系大学can既中价食品咁。
餐单系写系收银块板上面，
所以每日餐单都系跟当日食材。
见佢个度有米粉，
呢日唔系几想食饭，
就叫左40蚊既米粉连炸素吉列猪扒，
姐姐人好，仲额外加XO酱添，
米粉OK，唔会太油腻，配上素菜菇片，食落唔会寡口，味道唔错。配上素扒，素扒入面嘅肉应该系豆制品，食落好似真肉嘅口感，
但唔似真肉嘅肉味咁重，相对淡淡豆味，
内里仲配搭冬菇，素扒食落系肉饼既口味，
外层炸得香口，认真好味！
个餐会跟时菜，
时菜系小唐菜，煮得唔错，
火候恰度好处，咬落唔会太淋而烂开，
但又唔系未熟嘅菜。
汤是跟餐嘅，呢日系红菜头汤，
红菜头味道类似萝卜，
汤有草青嘅香甜味，
（唔系话佢洗唔干净！）
唔腻口，饮落可以清左素扒嘅油腻。
餐厅内可以自行添饮苦丁茶周柠檬水，
柠檬水好受欢迎，所以去添嘅时候冇哂，试下苦丁茶。
苦丁茶认真，真系苦，要修下仙嘅啱饮。
另外推荐餐厅嘅萝卜糕，炸得香口唔黐牙，
咬落可以feel到萝卜丝，一个字，正！
素食嚟讲呢间真系几得！
张贴
