霸王川莊 (已搬遷) 新店位置

见到OpenRice有七折，我都好钟意食酸菜鱼，见网上啲平语都几好，于是就谂住夜晚试吓啦，点知唔知犹自可一试无下次。虽然限聚令，令到人好少，坐得几舒服，不过我相信平时应该都唔多人。个八宝茶初头以为系未浸得出味，点知原来系浸极都无味我地两个人叫咗三个𩠌，叫咗个酸菜鱼，份量确实系好大，不过剩系得个酸味，完全唔辣，酸辣味完全平衡唔到，食到大半左右已经酸到食唔落，而且非常油。同埋叫咗个四川保宁醋香排骨，见到佢话热卖，以为好好食，点知都系唔得。个酱汁系做得几好嘅，不过啲肉系完全无肉味，屋企攞嚟煲完汤D排骨嘅肉味仲好味过佢最后叫咗个奶油娃娃菜，呢个算系正正常常，所以如果系食斋嘅应该冇问题，可以一试。有七折都唔觉得抵食，同一个场有大把选择。